भांगरभूंय | प्रतिनिधी
रिओ द जानेरियो, खबरांसंस्था: भुरगें जल्माक येवचे पयलीं बायलेक तें भुरगें आपल्या पोटांत ९ म्हयने वाडोवचें पडटा. गर्भधारणे उपरांत बायल गुरवार जाता आनी ९ म्हयन्यां उपरांत भुरगें जल्माक येता. ही सैमीक प्रक्रिया आसून दरेक बायलेक तातूंतल्यान वचचें पडटा. बायलेची कूड अशे तरेन रचिल्ली आसता. मात हालीं एक विचीत्र आनी धक्को दिवपी गजाल उजवाडाक आयल्या. ही गजाल अजाप करपा सारकी. एक बायल वट्ट ५६ वर्सां गुरवार आशिल्ली.
हे विशीं चड म्हायती प्रमाण, हे बायलेक आपूण गुरुवार आशिल्ल्याचें खबरूच नाशिल्लें. एक दीस ते बायलेच्या पोटांत दुखपाक लागलें, तेन्ना तिका हें सगळें समजलें. डॅनिएला वेरा नांवाचे एके ८१ वर्सां पिरायेचे बायलेक एक विचीत्र स्थिती निर्माण जाल्ली. अचकीत पोटांत दुखपाक लागिल्ल्यान ती दोतोरा कडेन गेली तेन्ना तिच्या पोटांत कॅल्सिफाड भ्रूण आशिल्ल्याचें तिका कळ्ळें.
डॅनिएला पयलींच सात भुरग्यांची आवय. तिका हाचे पयलीं कांयच खबर नाशिल्लें. १४ मार्चाक दोतोरांनी तिचें ऑपरेशन करून भ्रूण काडलो. पूण हे शस्त्रक्रिये उपरांत डॅनिएल चड काळ जिवी उरूंक ना. शस्त्रक्रियेच्या दुसर्याच दिसा तिका मरण आयलें.
डॅनिएलाचेर उपचार करपी दोतोर पॅट्रीक डेजिरेम हांणी शस्त्रक्रिये उपरांत संसर्गाक लागून बायलेक मरण आयिल्ल्याचें सांगलें. जेन्ना गुरवारपण गर्भाशयाच्या भायर जाता तेन्ना ताका अस्थानीक गुरवारपण अशें म्हण्टात अशें तांणी सांगलें.
हो एक अशे तरेचो गुरुवाचार जंय गर्भधारणा जाल्लें तंतू गुरवारपण गर्भाशयाच्या भायर व्हरता. थंय तांकां जियेवंक मेळना. डॅनिएलाचे बाबतींतूय अशें कितें तरी घडलां. भुरग्यांची वाड भितर सारकी जायनाशिल्ल्यान तातूंत कॅल्शियमीकरण जाता. अशे अवस्थेंत कुडीक कसलीच दूख जायना, तशेंच रगतूय येना. एक्स-रे काडल्या उपरांतूच हे विशीं कळून येता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
