सेल्फ एक्सीडंट: देवसू- कोरगांवां एके गाडयेक अपघात
भांगरभूंय | प्रतिनिधी
कोरगांव, बातमीदार: देवसू- कोरगांवच्या शाळे लागसार एके गाडयेक अपघात जालो. काल रातीं मारुती सुझुकी आर्टिगा जीए ११ टी १८२६ हे गाडयेचो स्वयं अपघात जालो. हे गाडयेचो चालक अपघाताचे सुवातेर ना. रस्त्याचो अंदाज चुकिल्ल्यान हो अपघात जाल्ल्याचो दुबाव आसा. ह्या अपघातांत गाडयेचें बरेंच लुकसाण जालां. थळाव्यांनी हे विशीं पुलिसांक दिली म्हायती.
ह्या वेळार ग्रामस्थांनी गांवगिर्या आनी कांय प्रमाणांत शार वाठारांतली रस्त्यांची वायट अवस्था, वाहनचालकांच्या गाडयांच्या वेगाचेर ताबो नासप, अपघातांच्या वाठारांत आनी धोको निर्माण करपी वोल्ताचेर सेफ्टी बॅरियर्स नासप आनी सरकारी यंत्रणाचो कामां संबंदी आळस हाका लागून अपघात घडटात अशी चिंता उक्तायली. हे सुवातेर सेफ्टी बॅरियर्स घालपाचें काम सुरू जालां, पुराय रस्त्याचेर तें करचें अशीय मागणी ग्रामस्थांनी केली.
मजगतीं, हे विशीं पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
