भांगरभूंय | प्रतिनिधी
केपें: पेडामळ- शिरवय अज्ञान मनशान 5 मोटारींचे हारशें फोडले. ह्या प्रकरणांत केपें पुलिसांनी पंचनामो केलो.
पेडामळ- शिरवयचे लोकवस्तेंत पार्कींग करून दवरिल्ल्या 5 मोटारींचें हारशे अज्ञान मनशान फोडले. ही घडणूक शुक्रारा रातच्या 1.30 वरांच्या सुमाराक घडिल्ल्याचो अदमास आसा.
हे आदीं कांय म्हयन्यां आदीं हेच सुवातेर अज्ञात मनशान रातच्याच वेळार 8 गाडयांचे हारशे फोडिल्ले. हे घडणुकेची म्हायती मेळटाच केपें पुलिसांनी घडणुकेचे सुवातेर वचून पळोवणी करून पंचनामो केलो. ह्या प्रकरणांतलो फुडलो तपास केपें पुलीस निरिक्षक अर्जून सागोडकार हांच्या मार्गदर्शना खाला चालू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
