भांगरभूंय | प्रतिनिधी
भांगरभूंय । प्रतिनिधी
वाळपयः मुंबय उच्च न्यायालयाच्या गोंय खंडपिठान बेकायदेशीर थारावन दोन बांदकामां मोडपाचो आदेश दिल्लो. ताका संबंदितांनी सर्वोच्च न्यायालयांत अपील केल्लें. मात सर्वोच्च न्यायालयना उच्च न्यायालयाचो निर्णय कायम केल्ल्यान निमाणे ती दोनूय बांदकाम मोडलीं, ह्या संबंदीचो अहवाल उच्च न्यायालयाक सादर करतले असें वाळपय पालिकेचो मुख्याधिकारी सूर्याजीराव राणे हांणे सांगलें.
पालिका वाठारांत म्हाऊस गावा कडल्या वाठारांत घराचें बेकायदेशीर बांदकाम केल्ल्याची कागाळ केल्या उपरांत हें प्रकरण मुंबय उच्च न्यायालयाच्या गोंय खंडपिठान पावल्लें. न्यायालयान संबंदीत बांदकाम बेकायदेशीर थारावन तें मोडपाचो आदेश दिलो. ताका घर धनयान सर्वोच्च न्यायालयांत आव्हान दिलें. मात थंय ताका थाकाय मेळपाक शकली ना. उत्तर गोय जिल्होधिकाऱ्यांक फावो ती कारवाय करपाक न्यायालयान सांगिल्लें. न्यायालयीन प्रक्रियेक लागून घर मोडपाक तीन म्हयने कळाव जालो.
बेकायदो बांदकामां केल्ल्यांनी एकमेकां विरोधांत कागाळी केल्ल्यान दोनूय बेकायदेशीर बांदकामां मोडपाचो न्यायालयान आदेश दिल्लो. वेळूस हागा केल्लें बांदकाम एक वर्सा आदीं मोडून वडयल्लें. म्हाऊस वाठारा कडलें बांदकाम वाळय पालिकेन मोडलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
