भांगरभूंय | प्रतिनिधी
भांगरभूंय । प्रतिनिधी
पणजीः काँग्रेस फुडारी राहुल गांधी मुंबयत केल्ल्या भाशणाचो अर्थ आपल्याक जाय तसो काडून तांचे विशीं मतदारां मदीं संभ्रम तयार केला असो आरोप करून गोंय प्रदेश काँग्रेस पक्षान राज्यसभा खासदार आनी प्रदेश भाजपा अध्यक्ष सदानंद शेट तानावडे हाचे आड वेंचणूक आयोगा कडेन आचार संहितेचें उल्लंघन केल्ल्याची कागाळ केल्या. प्रदेश काँग्रेस अध्यक्ष अमित पाटकार आनी उत्तर गोय जिल्हो अध्यक्ष विरेंद्र शिरोडकार हांणी राज्याचे मुख्य निर्वाचन अधिकारी आनी उत्तर गोंय जिल्होधिकाऱ्या कडेन ही कागाळ केल्या. सध्या एके शक्तीन सगल्यांक दाबून दवोरलां. ते शक्ती आड आपलें झूज चल्लां असें राहुल गांधीन सांगल्लें. मात ताचो संबंद नारी शक्ती कडेन जोडून भाजपान अप्रचार सुरू केला असें कागाळें म्हणलां.
राहुल गांधी हाणे मुंबय शिवाजी पार्कांत जाल्ले भारत न्याय यात्रेच्या समारोपा वेळार केल्ल्या भाशणांत हिंदू धर्मांतल्या शक्तीचो उल्लेख केल्लो. महाभारतांत पांडव आनी कौरवांची शक्ती आसा आनी रामायणात श्रीराम आनी रावणाची शक्ती आसा. आमी रावण आनी कौरवांच्या असत्याच्या शक्ती आंड वावुरया तशेच राम आनी पांडवाच्या शक्तीखाला एकटाय
येवया,राहुल गांधी हाणी सांगल्लें. आमचे फुडारी राहुल गांधी ‘सत्याच्या शक्ती’ वांगडा उबे आसात. भाजपा आनी सदानंद शेट तानावडे हांकां फकत असत्याची शक्ती खबर आसा अशे दिसता, अशें कागाळ दाखल केल्या उपरांत अमित पाटकार हाणे पत्रकारांक सांगलें.
भाजप सरकारान लोकांक दिल्लीं आश्वासना पुराय करपांक तांका सामकें अपेस आयला. देखून लोकांच्या मनात कोफुसांव घडोवन हाडपांक हें दुस्वासाचें राजकारण करतांत.राहुल गांधी हांणी स्त्री शक्ती वा नारी शक्तीचो भाशणात केन्नाच उलेख्ख करुंना. राहूल गांधीचे भाशण आनी तानावडेची पत्रकार परिषद दोनय लोकांमुखार आसा. वेचणूक आयोगान कसलोच पक्षपात करीनासतांना तपास करचो, अशी मागणी पाटकारान केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
