भांगरभूंय | प्रतिनिधी
पणजी, प्रतिनिधी : स्मार्ट सीटी कामाक लागून जावपी धुल्ल प्रदुशण आनी दर्जा विशीं दुबावाची स्थिती परत तयार जाल्या. हे फांटभुयेर उत्पल पर्रीकार हे परत स्मार्ट सीटीचे वेवस्थापकी संचालक आनी सीईओ संजित रॉड्रिग्ज हांची भेट घेवपाचे आसात. हांवें भेट मागल्या. फाल्यां ती घेवन स्मार्ट सीटी कामांक लागून जावपी गैरसोयीचेर उपाय काडपाची मागणी हांव करतलों, अशें उत्पल पर्रीकार हांणी सांगलें.
एका म्हयन्या पयलीं उत्पल पर्रीकार हांणी स्मार्ट सीटी कामाचो दर्जो आनी गैरवेवस्थेचेर फोक काडिल्लो. हाचे उपरांत मंत्री तशेच पणजेचे आमदार बाबुश मोन्सेरात हांणी पळोवणी करून कामाचो नियाळ घेवपाक सुरवात केली. कामाचा दर्जो बाबत आशिल्ल्याचे आरोप आतां परतून जावपाक लागल्या. तशेंच धुल्ल प्रदुशणाक लागून खंडपीठात जनहीत याचिका दाखल जाल्या.
स्मार्ट सीटी कामाच्या दर्जाचेर कंत्राटदार तशेच अधिकाऱ्यांचे लक्ष ना. धुल्ल प्रदुशण जावपाची समस्या आसाच. रायबंदरा रस्तो बंद दवरतना बशीची सारकी वेवस्था करूंक ना. विद्यार्थ्यांक चलोवन शाळेंत आनी विद्यालयांत वच्चें पडटा. बशीची सोय करचे पयलींच रस्तो बंद केलो, असो आरोप पर्रीकार हांणी केलो. ह्या प्रस्नाचेर स्मार्ट सीटी वेवस्थापकी संचालकांची हांव भेट घेतलो, अशें तांणी सांगलें. हे वेळार कामाच्या दर्जाची तपासणी आनी धुल्ल प्रदुशणाचो विशय मांडटलो, अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
