भांगरभूंय | प्रतिनिधी
पणजी, प्रतिनिधी : आल्तिन वचपी मुखेल रस्त्या कुशीक आशिल्लो खुरीस अनवळखी मनश्यान मोडून उडयला. हे कृत्य कोणेतरी मुद्दाम केलां असो आरोप थळाव्यांनी केला. पुलिसांनी घडणूक थळार वचून पंचनामा केला.
पणजे इगर्जे कडल्यान आल्तिन वचपी चडटे लागसार खुरीस आसा. थळावे सांगता ते प्रमाण सांज मेरेन तो सारको आसलो. पुण सकाळ फुडें उठून पळयल्यार तो मोडून उडयल्लो, देखून आमका धपकोच बसलो. रातचो एक्सिडंटात वा चुकून हो खुरीस मोडपांक शकना. कोणेतरी तो मुद्दाम मोडला. कांय दिसां पयलीं अनवळखी मनीस आमच्या दारा भायर दवरिल्ल्यो झाडांच्यो कुंड्यो फोडीत भोवतालो, ताणें हें कृत्य केलां आसुंये. हो खुरीस 100 वर्सा आदलो, अशें थळाव्यांनी सांगलें.
थळावे नगरसेवक एडी जाॅर्ज आनी पणजे फॅब्रिकान घडणुकेची कागाळ नोंदयली. उपरांत पुलिसांनी घडणुक थळार येवन पंचनामा केलो आनी खुरसाचे अवशेष ताब्यांत घेतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
