भांगरभूंय | प्रतिनिधी
नवी दिल्ली, खबरां संस्था ः आयज 10 ग्राम 24 कॅरेट भांगराचे दर 67 हजार रुपयांचेर पावलां. जाल्यार काल ताचें मोल 65,960 रुपया दर 10 ग्रामाचेर बंद जाल्लें. बुलियन मार्केट ह्या संकेतथळा प्रमाण, ती 76,630 रुपया दर किलो दरान विकपाक लागल्या. आदल्या वेपारांत रुप्याचो दर 75,480 रुपया दर किल आशिल्लो. उत्पादन शुल्क, राज्य कर आनी मेकिंग शुल्क हाका लागून भारतभर भांगराच्या दागिन्यांचे दर बदलतात.
भांगराची शुद्धताय कशी तपासची?
भांगराची शुद्धताय तपासपा खातीर एक अॅप तयार केला. ‘BIS Care app’ ह्या अॅपा वरवीं गिरायक भांगराची शुद्धताय तपासूंक शकतात. तशेंच ह्या अॅपाच्या आदारान भांगराची शुद्धताय तपासूंक मेळटाच तेच बरोबर ताचे विशीं कागाळी नोंद करूंक शकतात. वस्तूंचो परवानो, नोंदणी आनी हॉलमार्क क्रमांक चुकीचो दिसलो जाल्यार गिरायक ह्या अॅपा वयल्यान रोखडीच हे विशीं कागाळ करूंक शकतात. ह्या अॅपा वरवीं गिरायकाक रोखडीच कागाळ दाखल करपा विशींचीय म्हायती मेळटली.
२४ कॅरेट शुद्ध भांगराचेर ९९९ बरयल्लें आसतलें.
२२ कॅरेट शुद्ध भांगराचेर ९१६ बरयल्लें आसतलें.
२१ कॅरेट शुद्ध भांगराचेर ८७५ बरयल्लें आसतलें.
१८ कॅरेट शुद्ध भांगराचेर ७५० बरयल्लें आसतलें.
१४ कॅरेट शुद्ध भांगराचेर ५८५ बरयल्लें आसतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
