भांगरभूंय | प्रतिनिधी
मडगांव, प्रतिनिधी: बड्डें – फातोड्डेंच्या १६ वर्सां पिरायेचे चलयेचें एका अनवळख्यान अपहरण केल्लें. ह्या प्रकरणांत फातोड्डें पुलिसांनी दुबावीत इरफान शेख (विजापूर, कर्नाटक) हाका अटक केल्या.
तळसांझोर बड्डें वाठारांतले चलयेचें अपहरण जालां अशी कागाळ तिच्या पालकांनी मंगळारा पुलिशेंत दिल्ली. ही अपहरणाची घडणूक १८ मार्चाक रातच्या सुमार पावणे णव वरांचेर घडली. पुलिसांनी अनवळख्या आड अपहरण आनी गोंय बाल कायद्या खाला गुन्यांव नोंद केलो. चलयेच्या पालकां कडल्यान म्हायती घेवन पुलीस दुबाविताचो सोद घेताले. तो कर्नाटकांत आशिल्ल्याची म्हायती पुलिसांक मेळ्ळी. ते प्रमाण पुलीस निरीक्षक नाथन आल्मेदा हांच्या मार्गदर्शना खाला कारवाय सुरू केली आनी दुबावीत इरफानान अटक केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
