भांगरभूंय | प्रतिनिधी
लुधियाना, खबरां संस्था: पंजाबी गायक सर्गेस्त सिद्धू मुसेवाला हांचे आवयन १७ मार्चाक IVF तंत्रज्ञाना वरवीं चल्याक जल्म दिलो. आतां केंद्रीय भलायकी मंत्रालयान पंजाब सरकारा कडेन ताचो अहवाल मागला.
सहाय्यक पुनरुत्पादन तंत्रज्ञान कायद्याचो उल्लेख पत्रांत केला. तातूंत म्हणलां, इन विट्रो फर्टिलायझेशन (IVF) तंत्रज्ञाना वरवीं भुरगें जावपा खातीर बायलेची पिराय २१ ते ५० वर्सां मजगतीं आसपाक जाय. मात सिद्धू मूसेवालाची आवय चरण कौर हिणें ५८ वर्सां पिरायेचेर ह्या तंत्रज्ञाना वरवीं एका चल्याक जल्म दिलो. नेम पाळूंक नाशिल्ल्यान केंद्रान चवकशी करून कारवाय करपाचे आदेश दिल्यात.
चल्याचें नांव शुभदीप
बलकौर सिंह आनी चरण कौर हांणी तांच्या चल्याचें नांव शुभदीप दवरलां. हें सिद्धू मूसेवालाचें खरें नांव. मूसेवाला हांणे २०२२ त कॉंग्रेसीचे तिकेटीचेर वेंचणूक लढिल्ली. ह्या वेळार ताची आवय आई चरण कौर हांणी कव्हरिंग उमेदवार म्हणून सोपूत पत्र भरिल्लें. तातूंत चरण कौर हांणी तिची पिराय ५६ वर्सां आशिल्ल्याचें सांगिल्लें. ते प्रमाण तिची पिराय आतां ५८ वर्सां आसा आनी बलकौर सिंग हे ६० वर्सां पिरायेचे आसात. मूसेवाला हांचो २०२२ त फार मारून खून केल्लो. तांच्या खुनाचो आरोप लॉरेन्स गँगचेर आसा.
पंजाब सरकाराचेर केलो आरोप
भलायकी विभागाच्या नोटिसीचेर सिद्धू मुसेवालाचे बापूय बलकौर सिंह हांणी पंजाब सरकार आनी प्रशासनाचेर खर आरोप केल्यात. मंगळारा रातचें उसरां सोशल मिडियाचेर एक व्हिडिओ अपलोड करून बलकौर सिंह हांणी म्हणलां कीं, प्रशासन चल्याचीं कायदेशीर कागदपत्रां सादर करचीं म्हणून त्रास दितात. आमकां ते बंदखणींत धाडून ताची चवकशी करपाक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
