भांगरभूंय | प्रतिनिधी
राजेश फळदेसायः खतरनाक क्रिकेटर्स पंगडाक भेटयलो करंडक
भांगरभूंय । प्रतिनिधी
माशेलः आखाड्यार खेळगड्यांक खेळां मैदानाची खर गरज आसा हें आपल्याक पुराय खबर आसा. मैदान नासून लेगीत थळावे खेळगडे दर वर्सा सर्ती आयोजीत करतात, ही कवतुकाची गजाल. ह्या वाठारांत वर्सभरांत तुमकां खेळां मैदान उपलब्ध करून दितलों, ते संबंदांत कागदोपत्री सोपस्कार करप चालू आसा, अशें कुमारजुवेंचे आमदार राजेश फळदेसाय हांणी सांगलें.
आखाड्यार आखाडा क्रिकेट लीग 7 सर्तीचो इनामां भेटवण सुवाळ्यांत आमदार फळदेसाय मुखेल सोयरे म्हूण उलयताले.
ह्या वेळार माचयेर खाशेले निमंत्रीत म्हूण आंतरराष्ट्रीय नामनेचे कलाकार सुशांत तारी, तुलसी क्रिकेटर्सचे धनी तुळशीदास सावंत हाजीर आशिल्ले. मानेस्तांक ऋषिकेश फडते, सोहम फडते, रुद्रेश सावंत हांणी फुलांतुरे भेटयले.
आखाडो जुंव्या कडेन आपलो ल्हानपणा सावन लागींचो संबंद आसा. थळाव्या तरणाट्यां मदीं नवें करपाची आदींच्यानूच संवय आसा. मैदान नासतना सर्त येसस्वी करून दाखोवप ही अभिमानाची गजाल. ह्या तरणाट्यांनी नवें करपाचें केन्नाच सोडचें न्हय, अशें सुशांत तारी हांणी सांगलें.
आमदार फळदेसाय आनी हेर मानेस्तांचे हस्तुकीं जैतिवंत पंगडाक खतरनाक क्रिकेटर्साक आनी उपजैतिवंत पंगड मराठा फायटोसॅनिटरी पंगडाक भेटयलो. रोहिदास चोडणकार हांणी सुत्रसंचालन केलें आनी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
