भांगरभूंय | प्रतिनिधी
पणजी, बातमीदार : मुंबय उच्च न्यायालयाच्या गोंय खंडपीठान बाणावले पंचायतीक बांदकाम परवाने दिवपाचेर बंदी घाल्ली. मटेरियल रिकव्हरी फॅसिलिटी (MRF) म्हळ्यार कोयराची शेड उबारपाची प्रक्रिया सुरू केल्ल्यान आयज ही बंदी काडल्या. ताका लागून पंचायतीचो मार्ग मेकळो जाला, अशी म्हायती ऍडव्होकेट जनरल (AG) देविदास पांगम हांणी दिली.
बाणावले, हळदोण्यां आनी भाटी पंचायती सोडून गोंयच्या हेर सगळ्या पंचायतींनी कोयराची शेड उबारल्या. ह्या तीन पंचायतींचो प्रस्न उच्च न्यायालयांत सुरू आसा. बाणावले परत परत सांगून लेगीत हे पंचायतीन शेड उबारपाक कळाव लायिल्ल्यान उच्च न्यायालयान तांचेर बांदकाम परवाने दिवपाक बंदी घाल्ली. जो मेरेन कोयराचो प्रस्न सुटना तो मेरेन पंचायतीन नव्या बांदकामांक परवाने दिवचे न्हय, अशे निर्देश उच्च न्यायालयान दिल्ले. आतां ही प्रक्रिया सुरू केल्ल्याचें आयज उच्च न्यायालयांत सांगलें. ताका लागून तांणी घाल्ली बंदी फाटीं घेतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
