भांगरभूंय | प्रतिनिधी
स्मार्टफोन वापरप्यां खातीर ट्रूकॉलर (Truecaller) हो सोयीस्कर अॅप जाला. Truecaller वापरप्यांक अनवळखी क्रमांक वळखुपाक आनी स्पॅम कॉल आडावंक मजत करता. Truecaller चें मुखेल खाशेलपण म्हळ्यार अनवळखी कॉल वळखुप. पूण, कांय वापरप्यांक तांच्या प्रायव्हसीचो हुस्को आसा. देखून ह्या वापरप्यांक आतां हुस्को करपाची गरज ना. आतां तुमकां Truecaller वयले तुमचें खातें काडून उडोवपाचें आसल्यार वा तुमचो क्रमांक काडून उडोवपाचो आसल्यार तुमी तें सोंपे पध्दतीन करुंक शकता.
एंड्रॉयड फोनांतल्यान Truecaller खातें कशें काडून उडोवप?
१. तुमच्या फोनाचेर Truecaller ॲप उगडात.
२. डावी वटेन आशिल्ल्या तीन बिंदूचेर टॅप करात.
३. मागीर सेटिंग्जांत वचात.
४. दिल्ल्या पर्यायांतल्यान प्रायव्हसी सेंटर सोदून काडात.
५. मागीर अकाउंट डिॲक्टिव्हेट पर्यायाचेर क्लिक करात.
६. तुमच्या स्क्रीनाचेर दिसपी संदेश वाचात आनी कन्फर्म बटणाचेर क्लिक करात.
आयफोना वयल्यान Truecaller खातें कशें काडून उडोवप?
१. तुमच्या फोनाचेर Truecaller ॲप उगडात.
२. मागीर उजव्या कोनशांतल्या गियर (Gear) चिन्नाचेर टॅप करात.
३. उपरांत अबाउट ट्रूकॉलर (About Truecaller) हांचेर क्लिक करात.
४. मागीर सकयल स्क्रोल करात आनी अकाउंट डिॲक्टिव्हेट चेर टॅप करात.
५. तुमच्या स्क्रीनाचेर दिसपी संदेश वाचात आनी कन्फर्म बटणाचेर क्लिक करात.
Truecaller वयल्यान तुमचो फोन क्रमांक कसो काडचो?
१. Truecaller च्या अधिकृत संकेतथळार वचात.
२. उपरांत Truecaller च्या अनलिस्ट फोन क्रमांक पेचचेर नेव्हिगेट करात.
३. देशाच्या कोडा सयत तुमचो फोन नंबर घालात.
४. तुमकां तुमचें Truecaller अकाउंट डिॲक्टिव्हेट करपाचें आसा, ह्या पर्यायाचेर क्लिक करात.
५. मागीर कॅप्चा कोड घालात.
६. मागीर दिल्ल्या पर्याया वयल्यान ‘अनलिस्ट’ हाचेर टॅप करात.
ह्यो स्टेप्स पाळून तुमच्या डिव्हायसा वयल्यान तुमचें Truecaller खातें काडून उडोवंक शकतात आनी तुमचो फोन क्रमांक Truecaller डेटाबेसा वयल्यान अनलिस्ट करूंक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
