भांगरभूंय | प्रतिनिधी
अरूणाचल प्रदेशाचे पेमा खंडु भाजपाचे ज्येश्ठ मुख्यमंत्री
पणजी, प्रतिनिधी : मुख्यमंत्री डॉ. प्रमोद सावंत हांणी आयज मंगळारा मुख्यमंत्रीपदाची पाच वर्सां पुराय केलीं. गोंय घटक राज्य जाले उपरांत सेगीत पाच वर्सांचो कार्यकाळ पुराय करपी ते पयले मुख्यमंत्री थारल्या. पुराय देशात भाजप मुख्यमंत्र्यां मदीं सगळ्यांत चड काळ मुख्यमंत्री आशिल्ल्या मदीं डॉ. प्रमोद सावंत हे चवथे सुवातेर आसा.
अरूणाचल प्रदेशाचे मुख्यमंत्री पेमा खंडु हे सेगीत 7 वर्सां 246 दीस मुख्यमंत्री आसात. भारतीय जनता पक्षाचे सगळ्यांत चड काळ मुख्यमंत्री पदाचेर आशिल्ले ते फुडारी. हाचे उपरांत मणिपुरचे बिरेन सिंग हांचो नंबर लागता. मुख्यमंत्री म्हूण तांणी 7 वर्सां 4 दिसांचो कार्यकाळ पुराय केला. उत्तर प्रदेशाचे मुख्यमंत्री योगी आदित्यनाथ हांणी मुख्यमंत्रीपदाची सात वर्सां पुराय केल्या. 19 मार्च 2017 रोजी तांणी मुख्यमंत्रीपदाची सुत्रां हातात घेतिल्ली. हाचे उपरांत गोंयचे डॉ. प्रमोद सावंत हांचो नंबर लागता. हिमंत बिस्वा शर्मा (आसाम), भुपेंद्रभाय पटेल (गुजरात), विष्णु देव साय (छत्तीसगड), भजनलाल शर्मा (राजस्थान), माणिक शाह (त्रिपुरा), मोहन यादव (मध्य प्रदेश) हे भारतीय जनता पक्षाचे हेर राज्यांतले मुख्यमंत्री आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
