भांगरभूंय | प्रतिनिधी
प्रयागराज, खबरां संस्था: उत्तर प्रदेशांतल्या प्रयागराजांत धुवेच्या मरणा उपरांत कुळारच्या कुटूंबान तिच्या मांय आनी मांवाक उजो लायलो. आपले धुवेक मरण आयिल्ल्याचें सोमारा तिच्या कुळारच्या कुटुंबाक समजलें. कुटूंब जेन्ना थंय पावलें तेन्ना धुवेची कूड हुमकळिल्ले अवस्थेंत आशिल्ली. हें पळोवन कुटुंबाक आयली तिडक. तांणी बोवाळ केलो आनी थंय बरेच लोक जमा आयले.
धुवेची कूड घरा भायर काडली. उपरांत धुवेच्या कुटुंबाचें तिच्या घरच्या लोकां कडेन झगडें पेटलें. उपरांत सगळ्यांक घरांत भितर घालून भायल्यान उजो लायलो. पुलीस थंय पावून पांच जाणांक उज्याच्या चपक्यांतल्यान भायर काडलीं. पांच वरांनी उजो नियंत्रणाञत हाडलो. पुलीस घरा भितर गेले तेन्ना दोग मेल्ले अवस्थेंत सांपडले. धुवेचो मांव राजेंद्र केसरवाणी आनी मांय शोभा देवी अशीं तांचीं नांवां.
धुमनगंजांत झालवा हांगा रावपी आंशिका केसरवानी हिचें लग्न मुथीगंज हांगच्या अंशू वांगडा एका वर्सा आदीं जाल्लें. सांजेवेळार उसरां अंशिका हांणी गोळ लावन आत्महत्त्या केली. रातच्या ९ वरांचेर अंशू घरा पावलो. ११ वरांचेर तांणी अंशिकाच्या कुळारा तिच्या मरणाची खबर दिली. उपरांत तिचे कुळारचे मुठ्ठीगंज पावले. थंय धुवेची कूड गोळ लायिल्ले अवस्थेंत तशीच आशिल्ली.
अंशूच्या घरा सकयल फर्निचराचें दुकान आशिल्लें. गेट बंद करून घर जळून गोबोर जाल्ल्यान बरोच बोवाळ जालो. उपरांत मुथीगंज सयत खुबश्या पुलीस स्टेशनांचे पुलीस येवन थंयची परिस्थिती नियंत्रणांत हाडली. अंशूच्या शेजारचीं घरां खाली केलीं. पुलिसांनी खर कारवाय करून तिडकल्ल्या पालकांक थंयच्यान काडले. उपरांत ५ जाणांक वाटायले. रातचे चार जाणांक ताब्यांत घेतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
