भांगरभूंय | प्रतिनिधी
हो वर्साचो तो काळ आसता जेन्ना आमचे मदले चडशे जाण सगळ्यांत रंगीत उत्सव होळी खातीर स्वताक तयार करतात. होळयेची परब पुर्विल्ल्या काळा सावन जाता. वायटाचेर बऱ्याचें जैत तशेंच श्रीकृष्ण आनी राधा हांचे मदल्या मोगाची याद हो उत्सव मनयतात. उत्सवाच्या आदल्या दिसा आमी आमची नकारात्मकताय होलिका दहनांत पेटयतात आनी उमेद, आनंद, शांती, समृद्धी ह्या नव्या दिसाक येवकार दितात.
आयजकाल भारतभर होळी व्हड उमेदीन मनयतात. लोकांक एकठांय येवन, आपले मतभेद विसरून वसंत ऋतूच्या आगमनाचो उत्सव मनोवपाचो हो काळ. वसंत ऋतू हो चड करून वर्साचो एक सोबीत ऋतू अशें मानतात, शिंयाळो फाटीं सरता तेन्ना निसर्ग दोलायमान रंग, गोड सुगंध आनी नवें जिवीत घेवन जिवंत जाता.
खंयचोच उत्सव जेवणा बगर पुराय जायना, आनी होळी लेगीत ताका अाडवाद ना. हेर लोकप्रीय पदार्थांत थंडाय, बदाम आनी मसालो घालून केल्लें स्फूर्त दिवपी पेय आनी पुरण पोळी, हांचो आस्पाव जाता.
पर्यावरण अनुकूल रंग वापरप हो होळी सुरक्षीतपणान मनोवपाचो म्हत्वाचो भाग. चडशा होळीच्या रंगांत जड रसायनां आसतात जाका लागून कातीची जळजळ आनी भलायकेक हेर धोके निर्माण जावंक शकतात. ताचे बदला फुलांच्यो पाकळ्यो आनी वखदी अर्क ह्या सैमीक घटकां पसून तयार केल्ल्या सेंद्रीय रंगांची निवड करप फक्त कातीक अनुकूल न्हय तर प्रदुशक नाशिल्ले आसतात. पर्यावरणा खातीर आनी लोकहितैशी होळी खातीर तुमी पाळूंक शकतात अश्यो कांय सुचोवण्यो अश्यो:
रंगांची चांचणी करचे पयलीं व्हड प्रमाणांत मॉयश्चरायझर वा तेल वापरून कातीची राखण करात. हाका लागून आपले कातीची घातक रसायनां पसून राखण जाताच, पूण ताचे उपरांत रंग काडप लेगीत सोंपें जाता. केंस तेलान धांपचे वा रंगां पसून राखण करपा खातीर तोपयेचो उपेग करचो. हाका लागून रंग केंस वा तकली दुखपा पसून उरतात. उदकाचे बोमाडे (balloons) ही होळी खेळपाची एक लोकप्रीय पद्दत, पूण ती योग्य तरेन हाताळ्ळी ना जाल्यार गंभीर दुखापत जावंक शकता. लोकांच्या तोंडार वा दोळ्यांचेर उदकाचे बोमाडे मारप टाळचें.
आमी रंगांनी आनी आनंदाच्या दिसांनी बुडटना एक बरो नागरीक जावपाची ही वर्सुकी याद करून दिता. हालींच्या वर्सांनी आमी होळी हॉस्पिटॅलिटी उद्देगांतली एक व्हडली कार्यावळ जाल्ली
पळयल्या, होळी पार्ट्यो हॉटेलांनी, समाजीक आनी समाजीक क्लबांनी आयोजीत करतात आनी ताका सदांच जबरदस्त
प्रतिसाद मेळटा. पूण, हालींच्या वर्सांनी जाल्ल्या उत्सवी उमेदीन
सोरो पियेवन गाडी चलोवप, निशिद्ध पदार्थांचो वापर केल्ल्यान हिंसाचार, रस्तो अपघात आदी जायत्यो वायट घडणुको आमी पळयल्यात.
होळी म्हळ्यार मोगाची आनी खुशालकायेची सुटी, पूण हेरांच्या मर्यादेचो आदर करप म्हत्वाचें. थोड्या लोकांक रंगां वांगडा खेळपाची इत्सा ना जाल्यार तांकां जबरदस्ती करची न्हय. तशेंच सुण्यांचेर वा जनावरांचेर रंगाचो प्रयोग करचो न्हय.
सोनिया मुकेश देसाय
शिरशिरें, बोरी
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
