भांगरभूंय | प्रतिनिधी
भांगरभूंय । प्रतिनिधी
वास्कोः सध्याची तरणाटी पिळगी मोबायलांत गुरफटक वता, तिका वाचपघरा कडेन हाडपाचें काम करपाची गरज आसा अशें पंचायत मंत्री माविन गुदीन हाणे एके कार्यावळींत उलयतना सांगलें. पुस्तका वाचल्यार गिन्यानांत भर पडटा. ताका लागून तरणाट्यांनी चडांत चड पुस्तकां वाचपाचीं अशें आवाहन ताणे केलें.
आदर्श नगर चिखली हांगा साई माऊली वाचपघराचें उक्तावण गुदीन हाचे हस्तुकीं जालें. त्या वेळार तो उलयतालो. चिखलीची उपसरपंच ऐश्वर्या कोरगांवकार, मुरगांवचो आदलो नगराध्यक्ष क्रितेश गावकार, साई माऊली वाचपघराचो अध्यक्ष चंद्रकांत तिरोडकार ह्या वेळार हाजीर आशिल्ले. वाचपघऱ सुरू केल्ले खातार माविनान संबंदिताची तोखणाय केली. चंद्रकांत तिरोडकारान सुरवेक सगल्यांय येवकार दिलो. सुदेश गांवकारान सूत्रसंचालन केलें. संजीव आजगांवकारान उपकार मानले. सुनील तेली, पांडुरंग नायक, राजन मठकार हांणी कार्यावळ आयोजीत करपाक परिक्षम घेतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
