भांगरभूंय | प्रतिनिधी
बंगळुरू, खबरां संस्था ः एका चोरी प्रकरणांत नेण्टे चलये सयत चार चलयांची तपासणी जाली. शिक्षकाच्या पर्सीतल्यान दोन हजार रुपया चोरयेक गेल्ल्यान विद्यार्थ्यांचे कपडे काडून तांची तपासणी केली. ह्या ताणांतल्यान एके नेण्टे चलयेन आत्महत्या केली.
कर्नाटकांतल्या बागलकोट हांगाचे सरकारी शाळेंत ही घडणूक घडली. शेनवारा शिक्षिकेच्या पर्सीतल्यान पयशे चोरयेक गेले. ते उपरांत शाळेंतल्या 5 चलयांचेर चोरीचो आरोप केलो. हांतूत नेण्टे चलये सयत अजून चार जाणांक आपयले. तांचे कपडे काडून तांची तपासणी केली. उपरांत तांकां देवळांत व्हरुन सोपूत घेवन आपूण चोरी करूंक ना अशें सांगपाक सांगलें. हो सगळो ताण सोंसपाक जावं नाशिल्ल्यान 14 वर्सां पिरायेचे नेण्टे विद्यार्थ्यीनीन आत्महत्या केली.
बागलकोटचे पुलीस अधीक्षक अमरनाथ रेड्डी हांणी हे विशीं म्हायती दिली. आत्महत्या केल्ल्या चलयेची व्हडली भयणय हेच शाळेंत शिकता. शेनवारा शाळेंत कितें जालें तें तिणें आपल्या आवय- बापायक सांगलें. हे प्रकरणाची फुडली चवकशी पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
