भांगरभूंय | प्रतिनिधी
न्यूयाॅर्क, खबरां संस्था ः व्यस्त जिणेंत चलपाचें म्हत्व लोकांक आतां कळपाक लागलां. जायत्या जाणांनी स्वता खातीर दिसाक 10 हजार पावलां चलपाचें थारायलां. दिसाक उण्यांत उणीं 2200 पावलां चलचीं अशें म्हण्टात. ब्रिटीश जर्नल ऑफ स्पोर्ट्स मेडिसीनांतल्या हालींच्या अहवालांत, दिसाक 2200 पावलां लेगीत चल्ल्यार काळजाचे दुयेंस आनी गोडेंमूत जावपाचो धोको उणो जावंक शकता अशें सांगलां. पूण, 9 हजार पावलां चड प्रभावी थारतलीं अशें म्हण्टाले. पूण हाका लागून दुयेंसांचो धोको उणो जाता काय? तर ना. तुमी कितले चलतात तें मेजप सुरवेक चड करून उपेगी पडटा, पूण एकदां तुमी दिसाक सुमार 6,000 वा 8,000 पावलां चलतात तेन्ना चलपाच्या गतीचेर चड लक्ष दिवपाक सुरवात करात अशें कॅलिफोर्निया युनिव्हर्सिटीचे प्राध्यापक कीथ बार सांगतात.
चलतना स्नायू आकुंचन जातात, ताका लागून पांयांतल्यान रगत काळजा मेरेन पावता. हाका लागून काळजाचेर ताण येता. हाका लागून काळा प्रमाण तुमचें काळीज घट आनी कार्यक्षम जाता. वेगान चलप म्हळ्यार चड कॅलरी उणे करप न्हय, ताका लागून काळजाक बळगें मेळटा. जायत्या जाणांक घरांत चलचें कांय भायर चलचें असो प्रस्न पडटा? भायर चल्यार सैमाचो सांगात मेळटा, जाका लागून चलपा वांगडाच ताण उणो जाता अशें बार म्हणटा. भायर चलप चड फायद्याचें आसा.
चडटेचें रस्त्यार चलपाक सुरवात करात सुरवेक तुमची चलपाची गती वाडोवपाचो यत्न करात. दोंगरांत ट्रेकिंग वा चडटेचें रस्त्यांचेर चलप हो तुमचो फिटनेस वाडोवपाचो एक बरो उपाय. 12,000 वा 15,000 पावलां चलचे बदला चडटेचें रस्त्यार चलात. तशेंच स्वताक आव्हान दिवपाक उरफाटें चलूं येता. अशें केल्यार तुमची एकाग्रताय वाडोवपाक मजत जाता.
फाटीर सामान घेवन चलप….
नॉर्थवेस्टर्न मेडिसिनच्या डॉ. सादिया खान म्हणटा, “चलपाची तीव्रता वाडोवपाक फाटीर वजन घेवन चलपाक सुरवात करची. हाका रकिंग म्हणटात. हाचोच अर्थ फाटीर जड वस्तू दवरप. हाका लागून काळजाची गती वाडटली. ताका लागून काळजाचें कार्यक्षमताय सुदारता. पूण रकिंग सुरु करचें पयलीं तांचे प्रशिक्षण घेवप गरजेचें. देखून हांचे विशीं पयलीं तुमच्या फिटनेस ट्रेनरा कडेन उलोवचें आनी हो व्यायाम करचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
