भांगरभूंय | प्रतिनिधी
मोबायल सिम कार्ड हे विशीं नवे नेम चालीक लायल्यात. टेलिकॉम रेग्युलेटरी अथोरिटी ऑफ इंडिया (TRAY) मोबायलाच्या सिम कार्डा विशीं १५ मार्च २०२४ सावन नवो नेम जारी केला. हो नेम १ जुलय २०२४ सावन देशभर लागू जातलो. नव्या नेमांक लागून ऑनलायन फटोवप्यांक अटक करपाक मजत जातली अशें ट्राय म्हणटा. पूण ह्या नव्या नेमाचो परिणाम सामान्य लोकांचेर जातलो.
नेमांनी कितें बदल जाल्यात?
मोबायल धारकांनी हालींच आपलें सिम कार्ड स्वॅप केलां जाल्यार तांकां आतां आपलो मोबायल नंबर पोर्ट करपाक मेळचो ना. सिम कार्डांची अदला-बदल करपाक सिम स्वॅप अशें म्हणटात. म्हणल्यार तुमचें सिम कार्ड इबाडलां वा तुटलां जाल्यार तुमकां सिम स्वॅप करचें पडटलें. आमी टेलिकॉम ऑपरेटरा कडल्यान आमचें आदलें सीम कार्ड बदलून नवें सिम कार्ड घेवपा खातीर स्वॅपींग करीत आसतात.
ताचो कितें फायदो?
नव्या नेमांत तुमी सिम कार्ड स्वॅप केलां जाल्यार तुमकां नंबर पोर्ट करपाक मेळचो ना. घोटाळे जावचे न्हय हे खातीर ट्राय हांणी हो नेम केला. फ्रॉड करप्यांक सिम स्वॅपींग वा रिप्लेसमेंट केल्या उपरांत रोखडेंच मोबायल कनेक्शनाक पोर्ट करपाक मेळचें न्हय म्हणून अशें करतात.
सिम स्वॅपिंग म्हणल्यार कितें?
मोबायल सिम स्वॅपींग घोटाळे वाडल्यात. तातूंत फ्रॉड करप्यांक तुमचें पॅन कार्ड आनी आधार कार्डाचो फोटो सहजपणान मेळपाक शकता. मागीर मोबायल सांडलो अशें फट उलोवन ते नवें सिम कार्ड मेळयतात. ते उपरांत तुमच्या मोबायल नंबराचेर मेळिल्लो ओटीपी क्रमांक फ्रॉडां मेरेन पावता. ताचो वापर करून ते घोटाळे करतात. हें आडोवपा खातीर आतां सिमकार्ड जर स्वॅपिंग केल्यार तुमकां आतां नंबर पोर्ट करपाक मेळचें ना अशें सांगतात. हो नेम आतां १ जुलय २०२४ सावन लागू जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
