भांगरभूंय | प्रतिनिधी
खबरां संस्था
बर्मिंघमः भारताचो स्टार बॅडमिंटन खेळगडो लक्ष्य सेन ऑल इंग्लंड ओपन बॅडमिंटन सर्तींच्या सेमाफायनलीं हारलो. इंडोनेशियाच्या जोनाथन क्रिस्टीन ताका 21-12, 10-21, 21ृ15 अशें हारयलें. भारताचें हे सर्तींतलें आव्हान आतां सोपलां.
लक्ष्य सेन हे सर्तींत सेमीफायनली मेरेन तिगून आशिल्लो. दोन वर्सां आदी लक्ष्य सेन हे सर्तीचे फायनलींत हारल्लो. तेन्ना ताका व्हिक्टर ऐक्सल्सनान हारयल्लें. जोनाथन क्रिस्टीन वांगडा लक्ष्य सेनाची मॅच 1 वर 22 मिनटां चल्ली. पयली गेम तो 21-12 अशी हारलो. दुसरे गेमींत बरो खेळ करून ताणे ती 21-10 अशी जिखली मात तिसरे आनी निर्णायक मॅचींत मात ताचो चडसो प्रभाव पडलो ना आनी 21-15 अशी ताणे गेम आनी मॅच वोगडायली.
125 वर्सांची ऑल इंग्लंड ओपन बॅडमिंटन सर्त फाटल्या 23 वर्सांत भारताचे खेळगडे जिखपाक शकले ना. 2001 वर्सा गोपीचंदान ही सर्त जिखल्ली. सगल्यांत पयलीं 1980 वर्सा प्रकाश पडुकोणान ही सर्त जिखल्ली. पीव्ही सिंधून 2015 आनी लक्ष्य सेनान 2022 वर्सा हे सर्तीच्या फायनलींत प्रवेश केल्लो. मात किताब जिखपाक तांकां येश मेळ्ळें ना
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
