भांगरभूंय | प्रतिनिधी
पणजी, प्रतिनिधी : गोंयचे आदले मुख्यमंत्री सर्गेस्त मनोहर पर्रिकार हे रातदीस गोंयचे उदरगती खातीर वावुरले. देशाचे संरक्षणमंत्री म्हूण तांणी देशा खातीर खूब मोलादीक योगदान दिलां. उदरगतीचें तांचें सपन पुराय करपाक सरकार बांदील आसा, अशें मुख्यमंत्री डॉ. प्रमोद सावंत हांणी आयज सांगलें,
आदले मुख्यमंत्री सर्गेस्त मनोहर पर्रीकार हांकां तांचे पुण्यतिथये निमतान मिरामारा पर्रिकार हांच्या समाधी थळाक भेट दिवन मुख्यमंत्री सावंत हांणी आर्गां ओंपलीं. 17 मार्च 2019 हे दिसा पर्रिकार संवसाराक अंतरले. तांच्या मरणाक आयज 5 वर्सां पुराय जातात. भाजपाच्या सगल्या फुडाऱ्यांनी समाधी थळाक भेट दिवन पर्रीकार हांकां आर्गां ओंपलीं. मुख्य सचीव, पुलीस मुखेली हांणीय आर्गां ओंपलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
