भांगरभूंय | प्रतिनिधी
पणजी, प्रतिनिधीः खाजगी क्लिनीक, डिस्पेन्सरी हांकां क्लिनिकल इस्टाब्लीशमेंट कायद्या खाला नोंदणी खातीर एक वर्साची मुजत वाड मेळ्ळ्या. हे विशींचो अध्यादेश जारी जाला.
गोंय सरकाराच्या क्लिनीकल इस्टाबलिशमेंट कायद्या खाला ३१ मार्च मेरेन नोंदणी करप सक्तीचें आशिल्लें. आता नोंदणी खातीर १५ मार्च २०२५ मेरेन मुजत आसा. कायदो फाट्यान जारी केल्ल्या ह्या अध्यादेशाचेर राज्यपालान सय केल्या.
कांय क्लिनीक, डिस्पेन्सरीची तात्पुरती नोंदणी आसा. कांय जाणांची नोंदणीच ना. तात्पुरती नोंदणी आसा तांकांय कायम नोंदणी खातीर एक वर्साची मुजत मेळटली.
खाजगी दोतोरांची क्लिनीकां, डिस्पेन्सरी हांची म्हायती मेळची आनी नियंत्रण दवरप शक्य जावचे म्हूण सरकारान क्लिनीकल इस्टाबलिशमेंट आनी नोंदणी कायदो संमत केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
