भांगरभूंय | प्रतिनिधी
रोम, खबरां संस्था ः सुमार 262 वर्सां आदींचो हो फावंटन पळोवपाक दर वर्सा 14 लाखां परस चड पर्यटक येतात. देशांतल्यान आनी परदेशांतल्यान हांगा येवपी पर्यटक आपली इत्सा पुराय करपा खातीर ह्या घसघश्यांत नाणीं घालतात. तातूंत नाणें उडयलें काय इत्सा पुराय जाता खंय.
ह्या फावंटनांत दर दिसा रु. 2.70 लाख रुपयांची नाणीं लोक घालतात. इतल्या नाण्यांक लागून फावंटनाच्या सकयल्या भागाक लुकसाण जावचें न्हय हे खातीर सप्तकांतल्यान दोन फावटीं उदक बंद करून फावंटन निवळ करतात. सोमार आनी शुक्रारा 2 वरां ही नितळसाण चालू आसता. ही नाणीं भायर काडले उपरांत संवसारभरांतल्या कॅथोलिक धर्मादाय कॅरिटासच्या कार्यालयाक धाडटात. थंय हीं नाणीं सुकोवन मागीर मेजतात.
दर वर्सा ट्रेव्ही फाउंटनातल्यान रु. 13.57 कोटीचीं नाणीं भायर सरतात. ह्या नाण्यांतल्यान मेळपी पयश्यांचो उपेग गरीब, दिव्यांग आनी गरजेवंत लोकांक मजत करपाक वापरतात. ह्या ट्रेव्ही फाउंटनाचो बांदकाम 1762 त पुराय जाल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
