भांगरभूंय | प्रतिनिधी
नवी दिल्ली, खबरां संस्था ः लोकसभा वेंचणुकेचें वेळापत्रक फाल्यां (16 मार्च) दनपरां ३ वरांचेर जाहीर जातलें. काल भारताच्या वेंचणूक आयोगाच्या रिकाम्या दोन पदांचेर अधिकाऱ्यांची नेमणूक केल्या उपरांत नवी दिल्लींत आयज सकाळीं आयोगाची बसका जाली. हे बसकेंत वेंचणुकेचे तयारेचो नियाळ घेतलो. आयोग फाल्यां दनपारां 3 वरांचेर पत्रकार परिशद घेवन वेंचणुकेचें वेळापत्रक जाहीर करतलो.
2019 वर्सा 10 मार्चाक लोकसभा वेंचणुकेचें वेळापत्रक जाहीर केल्लें. ती वेंचणूक 7 टप्प्यांनी जाल्ली. हे खेपेय 6 ते 7 टप्प्यांनी वेंचणूक जावपाची शक्यताय आसा. वेंचणुकेची घोशणा जावचे आदीं आयज नव्यान नेमिल्ल्या दोनूय वेंचणूक आयुक्तांनी पदभार स्वीकारलो. वेंचणूक आयुक्त ज्ञानेश कुमार आनी सुखबीर सिंग संधू हांकां मुखेल वेंचणूक आयुक्त राजीव कुमार हांणी येवकार दिलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
