भांगरभूंय | प्रतिनिधी
नवी दिल्ली, खबरां संस्था ः ऑनलायन फटवणूक जाल्ल्यान बँको आनी तांच्या गिरायकां मदीं जावपी वादाचेर राष्ट्रीय गिरायक आयोगान म्हत्वाचो निर्णय घेतला. ऑनलायन बँकिंग फटवणूक प्रकरणांत आयोगान जबाबदारीचें सूत्र मांडलां.
आयोगाचे वांगडी डॉ. इंद्रजीत सिंग हांच्या फुडारपणा खाला खंडपिठान सांगलां, बँकींग फटवणूक थर्ड पार्टी कडल्यान जाल्यार, बँकेक कागाळ करचे पयलीं गैरवापर केल्ली रक्कम बँक परत करची ना. तशेंच ताका जापसालदार धरचे ना.
कागाळी उपरांत बँक खात्यांतल्यान फटीची रक्कम काडली जाल्यार तीच भरपाय दिवपाची जापसालदारकी बँकेचेर आसतली. एचडीएफसी बँकेन दाखल केल्ले याचिकेचेर तेलंगण राज्य गिरायक आयोगाचो निर्णय आयोगान रद्द केलो. जातूंत बँकेक थर्ड पार्टी कडल्यान जाल्ल्या 57,400 रुपयाचे ऑनलायन फटवणूकची व्याजा सयत भरपाय दिवपाचो आदेश दिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
