भांगरभूंय | प्रतिनिधी
भांगरभूंय । प्रतिनिधी
काणकोणः खेळ आनी युवा वेव्हार खात्यान आयोजीत केल्ल्या चलयांच्या अंडर- 14 शालेय खो खो सर्तींत पाडी- बार्शें हांगच्या सरकारी हायस्कूल पंगडान म्हापशेंच्या डॉ आंबेडकर हायस्कुलाक 2 गुणांनी हारोवन वस्तादपण मेळयलें.
सर्तीची फायनल फोंडें हांगच्या खेळां संकुलांत जाली. पयले गेमींत पाडीच्या चलयांनी 10 गुण मेळयले. आंबेडकर हायस्कुलाच्यो चलयो फकत 5 गुण मेळोपाक शकल्यो. दुसरे गेमीत मात तांणी 7 आनी पाडीच्या चलयांनी 4 गुण मेळयले. अशे तरेन पाडी हायस्कुलान 14 आड 12 गुणांनी राज्य पावंड्या वयलें वस्तादपण मेळयलें.
पाडी सरकारी हायस्कुलाचो मुख्याध्यापक लॉरेन्सियो परेरा हांणी पंगडांक परबीं भेटयलीं.हायस्कुलाची पीटी टिचस सविता वेळीप हिणे खो खो पंगडाक प्रशिक्षीत केलें. पंगडाच्या येसा खातीर पालक-शिक्षक संघान खेळगडी आनी प्रशिक्षकांती तोखणाय केल्या
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
