भांगरभूंय | प्रतिनिधी
भांगरभूंय । खेळां मेज
पणजीः वास्कोच्या टिळक मैदानार बिरेस्तारा जाल्ले गोंय प्रोफेशनल लीग मॅचींत स्पोर्टींग दी गोवान पणजी फुटबॉर्सांक 4-0 गोलांनी हारयलें. बिस्वा दारजीन 12 व्या मिनटाक स्पोर्टींगाचो पयलो गोल केलो. उपरांत अकेराज मार्टिन्स आघाडी 2-0 अशी केली.
दुसऱ्या सत्रांत सुशील मैतेईन 46 व्या मिनटाक गोल केलो. विदिप्त दुवान 50 व्या मिनटाक स्पोर्टीगाचो चवथो गोल केलो. खेळाचेर सुरवेक सावन स्पोर्टींगाचें वर्चस्व आशिल्लें. नवोदीत पणजी फुटबॉलर्साक चड वेळ बॉल आपल्या नियंत्रणा खाला दवोरपाक मेळ्ळो ना. पयल्याच मिनटाक अकेराज मार्टिन्साचो गोल करपाचो यत्न फळादीक जालो ना. उपरांत स्पोर्टींगान खेळाचेर पुराय नियंत्रण दवोरले आनी गोल केले. बिस्वाचो क्रॉस फटको पणजेचो गोलकी विपीन शर्माक चुकोवन गोल पोस्टांत गेलो. इव्हॉन कॉस्ताच्या क्रॉसाचेर अकेराजान हेडरान दुसरो गोल केलो. फ्रान्सिस्कोच्या क्रॉसाचेर सुशीलान स्पोर्टींगाचो तिसरो गोल केलो. बदली खेळगडो आदिल खानाच्या पासाचेर विदिप्त दुवान स्पोर्टींगाचो चवथो गोल केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
