भांगरभूंय | प्रतिनिधी
न्यूयाॅर्क, खबरां संस्था : अमेरिकेंतले पॉल अलेक्झांडर हांकां ७८ वर्सां पिरायेचेर मरण आयलें. तांकां ‘पोलिओ पॉल’ म्हणून वळखताले. स वर्सां पिरायेचेर पोलियो जाले उपरांत सुमार सात दसकां ते लोखणाच्या फुफ्फुसा वरवीं जीण सारताले.
स्थिती दुबळी आसून लेगीत तांचें कर्तृत्व खुबश्या जाणां खातीर उर्बा दिवपी थारलें. पोलिओ कडेन लढो दिवपा पसून वकील आनी लेखक जावपा मेरेनचो तांचो प्रवास प्रतिकूल परिस्थितीचेर उजवाड घालता. पॉल अलेक्झांडरान ७८ वर्सां लोखणाच्या फुफ्फुसांत जगताले.
स वर्सां पिरायेचेर अलेक्झांडर हांकां पोलियो जाल्लो. १९५२ त तांकां माने सकयल अर्धांगवायू जालो. जाका लागून स्वास घेवपा खातीर तांत्रीक कॉन्ट्रॅप्शनाचेर निंबून रावचें पडलें. सैमीक आव्हानां आनी निर्माण जाल्ले शरिरीक परिस्थितीक भियनासतना, अलेक्झांडर हांणी उच्च शिक्षण घेतलें. वकील जाले. लेखक म्हणूनय तांणी नांव जोडलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
