भांगरभूंय | प्रतिनिधी
भांगरभूंय । प्रतिनिधी
फोंडेंः साकोड्डें हांगच्या रगाडा न्हंयेच्या उदकाचे नमून मंगळारा सकाळीं धारबांदोड्याचो उपजिल्होधिकारी अक्षय पटेकार हाचे हाजेरींत घेतले. ह्या वेळार बांदकाम खात्याचो सहाय्यक अभियंतो देवीदास बोरकार, प्रदूशण नियंत्रण मंडळाचो देवेश घोलकर, उदका स्रोत खात्याचो कनिश्ठ अभियंतो सागर नायक, भलायकी खात्याचो डॉ संजय दमेकर. साकोड्डेची सरपंच प्रिया खांडेपारकार, उपसरपंच शिरीष देसाय, विपीन नायक आनी ग्रामस्थ हाजीर आशिल्ले.
कांय दिसां सावन नुस्ते पालन प्रकल्पांतल्यान दूशीत उदक सोडपाच्या प्रस्ना वयल्यान वाद उप्राशिल्लो. संबंदितानी न्हंयच्या उदकाचे नमून तपासून नळां वरवीं शुद्ध उदकाची पुरवण करतात हाची गवाय. दिल्ली. मात न्हंयचें उदक नुस्ते पालन प्रकल्पाचें उदक सोडल्ल्यान दुशीत जालां आनी ते पियेल्यार भलायेक बादिकारण थारतलें अशें गांवच्या लोकांचें म्हणणे आसा. अक्षय पटेकार हांणी घेतिल्ले जोड बसकेंत उदकाचे नमूने परत घेवन तपासपाचें थारायल्लें. त्या प्रमाण मंगळाराक ते घेतले.
पटेकार आनी हेरांनी उपरांत नुस्ते पालन प्रकल्पाची प्रकल्पाचो धनी माधवराव (बाबा) देसाय हाच्या वांगडा पळोवणी केली. साकोड्डें पंचायतीन दिल्लो परवानो फाटीं घेतिल्ल्यान प्रकल्प फाटल्या कांय दिसां सावन बंद आसा. उदकाच्या नमून्याचो अहवाल आयल्या उपरांत बरत सगल्या संबंदितांची बसका घेतले. संबंदित खात्यांनी लोकांक पुरवण करतात तें उदक शुद्ध आशिल्ल्याचो अहवाल दिवंन लेगीत कांय जाण उदकाच्या प्रस्ना वयल्यान राजकारण करतात असो आरोप माधवराव देसाय हाणे केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
