भांगरभूंय | प्रतिनिधी
सांखळे सातवी ‘उमाळो’ कार्यावळ दबाज्यान
केरी-सत्तरी: शंबर वर्सां जावन गेलीं तरी अजुनूय इस्रायल आनी पॅलस्टायन वाद सोंपना ही गजाल संवसारांतल्या समेस्त राष्ट्रांक लजेक घालपी आसा. पॅलेस्टायन देशाची निर्मणी करुनूच हो तंटो सोंपूंक शकता अशें उलोवप प्रदीप लवंदे हांणी सांखळे केलें. ते कोंकणी सेवा केंद्र आनी सरकारी म्हाविद्यालय हांच्या जोड पालवान घडोवन हाडिल्ल्या सातव्या ‘उमाळो’ कार्यावळींत उलयताले.
सुरवेक कोंकणी सेवा केंद्राचे अध्यक्ष राजन शेट्ये हांणी आपल्या येवकाराच्या उलोवपांत केंद्राच्या विवीध वावराची आनी उमाळो उपक्रमाची हाजीर आशिल्ल्यांक म्हायती दिली.
सुवाळ्याचे मुखेल सोयरे प्राचार्य डॉ. मेंडीस हांणी आपल्या उलोवपांत कोंकणी सेवा केंद्राच्या वावराची तोखणाय केली आनी आमचें म्हाविद्यालय तांच्या ह्या बऱ्या कार्याक सदांच पालव दितलें अशें उतर दिलें.
पुराय कार्यावळीचें सुत्रसंचालन रुसी परब हाणें केलें. प्रा. तनुजा गांवकार हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
