भांगरभूंय | प्रतिनिधी
पणजी ः बायलां दिसाच्या निमतान आल्त पर्वरी हांगा डॉ स्वेता गांवकार आनी तांच्या कुटुंबाचें शालोट्स बावर्ची रेस्टॉरंट सुरू जालें. अनीस अंसारी हांच्या वेवस्थापना खाला तें चलतलें. पणजे चर्च स्क्वेरा लागसार आनी बड्ड्यां जॅक्सनस् बावर्ची अश्या नांवाचे ताचे फांटे आसात. दोनूय पुरायपणान कार्यरत आसात.
कार्यावळीक पर्यटन मंत्री रोहन ए खंवटे हाजीर आशिल्ले. गोंयभर वैजकी वेवसायांत खूब व्यस्त आसून लेगीत डॉ स्वेता हांणी पाककलेची आवड सांबाळ्ळ्या. डॉ गांवकार वेवसायान एनेस्थेटिस्ट आसून हॉस्पिसियोंत आनी हेर हाॅस्पिटलांनी काम करतात
अनीस अंसारी हें बिरयानी संवसारांत नामनेचें नांव.
उक्तावण सुवाळ्यांत गोंयभरांतल्यान 1000 वयर लोकांनी वांटो घेतिल्लो. हें हाॅटेल गोंय विधानसभा प्रकल्पा लागसार आसा. डाॅ. स्वेता आनी अनिस अन्सारी मडगांवां रावतात. मडगांव, मडकय, शिरोडें, वास्कोचे बरेच लोक उक्तावण सुवाळ्याक आयिल्ले.
डॉ स्वेता गांवकार हांणी कोविडा वेळार धीरेन आनी नीता हांच्या आदारान हेर सहकाऱ्यां वांगडा आनी तिच्या देरा वांगडा पणजेचें हाॅटेल बरे भशेन चलयलां.
रवींद्र भवन सांखळे हांगा तांणी सीएम रिलीफ फंडाक दान दिल्लें. शलोट्स बावर्चीचो धनी डॉ स्वेता परोपकारी कामां करपी वेगवेगळ्या गटांची वांगडी आसा. तातूंत मल्लिकार्जुन आपमजत गट , कुंडईचो आसपाव आसा. ह्या कार्यक्रमाक थळावे पंच, सरपंच स्वप्नील चोडणकार, सिद्देश नायक, पेन्हा द फ्रांका पंचायतीचे वॉर्ड वांगडी , सफर फडटे, पंच वांगडी, श्रीमती नसरीन, अल्ताफ मुल्ला, जर्मन डी ‘ मेलो, नूर शेख आनी हेर जायते लोक हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
