भांगरभूंय | प्रतिनिधी
मडगांव, प्रतिनिधी : मडगांव रेल्वे स्टेशना वयल्यान कर्नाटका बेकायदेशीरपणान सोरो व्हरपी दुबावीत अशोक हाका रेल्वे सुरक्षा दळाच्या अधिकार्यांनी ताब्यांत घेतलो. दुबाविता कडेन ६५६० रुपयांच्यो सोर्याच्यो बाटल्यो जप्त केल्यो.
मेळिल्ले म्हायती प्रमाण, कर्नाटकांत रावपी अशोक हो सोमारा सकाळीं १० वरांचेर मडगांव रेल्वे स्टेशनाचेर आयलो. तेन्ना ताच्यो हालचाली दुबाव येवपा सारक्यो दिसल्यो. गस्त घालपी रेल्वे सुरक्षा दळाच्या कर्मचार्यांनी दुबावीत अशोक हाचे कडेन चवकशी केली. तेन्ना ताच्या सामानान सोर्याच्यो बाटल्यो मेळ्ळ्यो. दुबाविताक रेल्वे सुरक्षा दळाच्या कार्यालयांत हाडलो. चवकशे उपरांत ताचे कडेन सोर्याचे येरादारी खातीर कसलेच तरेचो परवानो नाशिल्ल्याचें कळ्ळें. दळाचे पुलीस निरीक्षक विनोदकुमार मिश्रा हांच्या मार्गदर्शनाखाला कारवाय जाली. फुडले कारवाये खातीर अशोकाक सोर्याच्या बाटल्यां सयत अबकारी खात्या कडेन दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
