भांगरभूंय | प्रतिनिधी
इंस्टाग्राम- फेसबुका वरवीं पयशे जोडपाचे आसल्यार इंस्टाग्राम आनी फेसबूक पेज जोडपाची गरज आसा. कांय संबंदीत एजन्सी तुमकां तुमचें फेसबूक पेज इंस्टाग्रामाक जोडपाक सांगतात. तेन्ना तुमी खूब यत्न करतात, पूण तें करप शक्य जायना. पूण ही एक सोंपी प्रक्रिया आसा तुमी तुमचो इंस्टाग्राम फेसबूक पेजाक कांय मिण्टांनी जोडूंक शकतात.
तुमचें पेज मेटा बिझनेस आसल्यार इंस्टाग्रामाचेर तुमचें बिझनेस खातें आसूंक जाय. तुमचे कडेन वेवसायीक खातें आसल्यार, तुमकां तुमचें खातें वेवसायीक वा प्रोफेशनल खात्यांत बदलचें पडटलें हें लक्षांत दवरात. लिंकिंग प्रक्रिया वरवीं तुमकां ही संद मेळटली.
फेसबूक पेज इंस्टाग्रामाक कशी जोडप…
० हाचे खातीर पयलीं फेसबूक लॉग इन करात, मागीर तुमच्या इंस्टाग्राम खात्याक जोडपाक जाय आशिल्ल्या पेजीचेर वचात. तुमचे पेजींतल्यान ‘व्यवस्थापित करा’ चेर क्लिक करात.
० बिझनेस डॅशबोर्ड डाव्या आकाराच्या मेनूंतल्यान, लिंक केल्लीं खातीं क्लिक करात.
० खातें जोडपाक, खातें जोडचें पर्यायाचेर क्लिक करात. तुमचें इंस्टाग्राम खात्याचें वापरप्याचें नांव आनी पासवर्ड घालात आनी लॉगीन निवडात.
० दुसरे वटेन तुमच्या पेजींतल्यान इंस्टाग्राम खातें डिस्कनेक्ट करचें आसल्यार खातें डिस्कनेक्ट करा चेर क्लिक करात आनी पुश्टी करपाक हय, डिस्कनेक्ट हाचेर क्लिक करात.
इंस्टाग्रामाक फेसबूक पेजा कडेन जोडपाचे फायदे….
० इंस्टाग्राम फेसबूक पेजा कडेन जोडल्या उपरांत तुमकां जायते फायदे मेळटले. हातूंत तुमकां दोनूय प्लॅटफॉर्मांचेर वेगवेगळे पोस्ट करपाची गरज ना. तुमी एकाच वेळार दोनूय प्लॅटफॉर्मांचेर पोस्ट करुंक शकतात.
० ते भायर तुमकां इंस्टाग्राम जायरात शेअर वा तिसऱ्या पार्टीची ऍप्लिकेशनां जोडपाचे आसल्यार तुमकां तें सहजपणान करपाक मेळटलें.
० संदेश आनी इंस्टाग्राम डायरेक्ट संदेश मेसेंजर वा मेटा बिझनेस सुटांतल्या इनबॉक्सांतल्यान उपलब्ध आसतले.
इंस्टाग्रामांतल्यान कमावपाचे मार्ग…
ह्या प्लॅटफॉर्माचेर तुमची सामग्री व्हायरल करपा खातीर तुमकां दर्जो आनी प्रमाणाचेर लक्ष केंद्रीत करपाची गरज आसा. दर दिसा कांय फोटो, व्हिडियो आनी स्टोरीज इंस्टाग्रामाचेर सतत शेअर करचे पडटले. तशेंच सप्तकांतले 10 दीस लायव्ह वचूंक शकतात. तुमी लायव्ह गेले जाल्यार तुमी तुमच्या फॉलोअर्स कडेन थेट कनॅक्ट जावंक शकतात.
सहकार्या खातीर (collaboration) ब्रँड पिच करात. ह्या ब्रँडांचो ईमेल आयडी तुमकां इंस्टाग्रामांतल्यान सहज मेळूं येता. तुमचो तपशील ईमेल आयडीचेर धाडचो. हाचे वरवीं 10 तलें चार ब्रँड तुमचे कडेन रूची दाखोवंक शकतात आनी तुमकां सहकार मेळपाची शक्यताय वाडोवंक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
