भांगरभूंय | प्रतिनिधी
सतीश शेटगांवकारः मोरजे रस्त्याच्या डांबरीकरणाक सुरवात
भांगरभूंय । प्रतिनिधी
पेडणें: जिल्हो पंचायत वांगड्याक वर्साक 40 लाख रुपया निधी मेळटा. ह्या ल्हानश्या निधींतल्लयान दरेका जिल्हो पंचायत वाठारांतल्या पंचायतींच्या उदरगतीच्या कामांक प्राधान्य दिवचे खातीर निधीचो योग्य वापर करतले. लोकांचे मागणे प्रमाण कामां करतले. पांवड्या पांवड्यान मोरजी, मांद्रे- आगरवाडो, चोपडें ह्या तिनूय पंचायत वाठारांतल्या उदरगतीच्या कामांक प्राधान्य दितले, अशें जिल्हो पंचायत वांगडी सतीश शेटगांवकार हांणी न्यू वाडो मोरजेच्या रस्त्याचेर डांबरीकरण करपाच्या वावराक सुरवात करून दितना सांगलें.
ह्या वेळार मोरजीचे सरपंच मुकेश उर्फ उमेश गडेकार, आदली सरपंच तशेंच पंच सुरेखा अमीत शेटगांवकार आनी गांवचे लोक हाजीर आशिल्ले.
मोरजी पंचायत वाठारांतल्या न्यू वाड्यार तेन्नाचे सरपंच आसतना सतीश शेटगांवकार हांणी हो रस्तो बांदिल्लो. आतां ते जिल्हो पंचायत वांगडी जाले उपरांत ह्या रस्त्याचें डांबरीकरण करपाचो योग आयला, हे खातीर लोक समाधान उक्तायताले. महिला दिसा निमतान शेटगांवकार हांणी नाल्ल फोडून कामाक सुरवात करून दिवपाची संत आदली सरपंच सुरेखा शेटगांवकार हांकां संद दिली.
आपूण सरपंच आसतना गांवांतल्या खूबश्या रस्त्यांच्या कामांक चालना दिली. पूण कांय काळ ह्या रस्त्यांची दुरुस्ती जावंक ना. आपूण जिल्हो पंचायत वांगडी जाले उपरांत ह्या रस्त्यांक चालना दिल्या. हे आदीं आपणे मांद्रें पंचायत वाठारांतल्या खूबश्या उदरगतीच्या कामांक चालना दिल्या. आतां मोरजी, आगरवाडो, चोपडें ह्या गांवांतलीं कामां प्राधान्यान करतलों, अशें शेटगांवकार हांणी सांगलें. सरपंच मुकेश गडेकार हांणी सांगलें, कांय गजालींक योग येवचो पडटा. ह्या रस्त्याची निर्मिती सरपंच आसतना शेटगांवकार हांणी केली. आतां जिल्हो पंचायत वांगडी जाले उपरांत ताची दुरुस्ती करतात. सरपंच आसतना शेटगांवकार हांमी खूबश्या गांवांतले रस्ते तयार करेले. त्या रस्त्यांची दुरुस्ती पंचायतीन तशेंच सरकारान केली. पूण कांय रस्ते अजून बांदिल्ले तेच अवस्थेंत आसात. ते जिल्हो पंचाय वांगड्यान फुडाकार घेवन करचे, अशें सुचोवणी गडेकार हांणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
