भांगरभूंय | प्रतिनिधी
पणजी, प्रतिनिधी : गोंय पुलिसांच्या गुन्यांव फांट्यान शेनवारा रातचें मडगांवच्या नुस्तें बाजारा लागसारा छापो घालून जितेंद्र नायक (२८, मुळ ओडिसा) हाका अटक केली. ताचे कडल्यान ४ लाख रुपयांचो ४ किल गांजो जप्त केला.
नुस्तें मार्केटा लागसारा एक व्यक्ती गांज्याची तस्करी करपा खातीर शेनवारा रातचो येतलो, अशी म्हायती गुन्यांव फांट्याच्या एका अधिकार्याक मेळ्ळी. ते प्रमाण पुलीस अधीक्षक राहूल गुप्ता आनी उपअधीक्षक राजेश कुमार हांच्या मार्गदर्शना खाला निरीक्षक दत्ताराम रावत हांच्या फुडारपणा खाला पुलीस उपनिरीक्षक जयराम कुंकळ्येंकार, हवालदार नित्यानंद हळर्णकार, पुलीस कॉन्स्टेबल सैफुल्ला मकंदर, विनायक सावंत, सुशांत पागी, स्वप्निल सिमेपुरुषकार, बायल कॉन्स्टेबल रोशनी शिरोडकार आनी हेरांच्या पंगडान रातच्या ९.२० ते ११.३५ वरां मजगतीं सांपळो रचून दुबाविताक अटक केली.
मडगांवच्या नुस्तें मार्केटांत जितेंद्र नायक जेन्ना आयलो तेन्ना ताका ताब्यांत घेवन ताची चवकशी केली. ताचे कडल्यान ४ लाख रुपयांचो गांजो जप्त केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
