भांगरभूंय | प्रतिनिधी
मोरजी पंचायत कर्मचार्यांनी मंत्री सुभाष फळदेसाय हांकां केलें निवेदन सादर
पेडणें, प्रतिनीधी : पंचायत कर्मचार्यांक सेवन पे (सातवो वेतन आयोग) येवजण लागू करची, अशी मागणी करपी निवेदन मोरजी पंचायत कर्मचार्यां वतीन सखाराम परब हांणी समाज कल्याण मंत्री सुभाष फळदेसाय हांकां सादर केलें. हालींच पंचायत चलो अभियाना खाला मंत्री फळदेसाय हांणी मोरजी पंचायतीक भेट दिल्ली. त्या वेळार हे निवेदन सादर केलें.
ह्या वेळार आमदार जीत आरोलकार हाजीर आशिल्ले.
सरकारी कर्मचार्यांक सरकारान सेवेन पे पगाराची येवजण लागू केल्या. तीच येजवण पंचायत कर्मचार्यांक लागू करपा खातीर मागणी करपी निवेदन मंत्री फळदेसाय हांकां सादर केलें. मंत्री फळदेसाय हांणी म्हणलें, हें निवेदन आपूण सरकार दरबारा मेरेन पावयतलों. सरकार हाचेर योग्य तो निर्णय घेतलें.
आमदार जीत आरोलकार हांणी त्या निवेदनाची फाटपुरवण आपूणय सरकार दरबारांत करतलों अशें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
