भांगरभूंय | प्रतिनिधी
सध्या गिमाळो सुरू जालां. ल्हव ल्हव वातावरणूय गरम जायत आसा. देखून गिमाच्या दिसांनी ऊसाचो रोस आनी जायत्या फळांचे रोस पियेवंक लोकांक आवडटात. तशेंच गिमाच्या दिसांनी काळींग खावपाकूय खूब आवडटा.
तांबडेंच तशेंच रसाळ आनी गोड काळींग खावपाची मजा गिमाच्या दिसांनी वेगळीच आसता. मात बाजारांत काळींग घेवपाक वतना आमकां घुसपपाक जाता. कारण भायल्यान तें काळींग गोड, तांबडेंच आनी रुचीक आसतलें हाचो अदमास येना. तरीय आमी काळींग विकतें घेवन तें घरा हाडटा. घरा हाडल्या उपरांत काळगांक कापून जालें काय कळटा तें भितरल्यान तांबडेंय नासता आनी गोडूय नासतना म्हणून. काळींग भितरल्यान गोड आनी तांबडे आसा काय ना तें कशें वळखप हें तुमकां आयज आमी सांगतलीं.
ह्यो टिप्स वापरून गोड काळींग विकतें घेयात
१. काळगांवयले हळदुवे दाग- आमी चडशीं बाजारांत गेलीं काय चकचकीत दिसपी काळगां कडेन आकर्शीत जातात. पूण असलीं काळगां चडशीं गोड आनी तांबडीय नासतात. ताका लागून काळींग घेवचें आसल्यार भायल्यान हळदुवे आनी धवे दाग आशिल्लींच घेयात. तशेंच जड आशिल्लीं काळगांच घेयात.जड काळगांनी तुमकां ९२% मेरेन उदक आसता आनी ताका लागून ताची रुचूय बरी आसता.
२. काळींग दामून, आवाज आयकून विकतें घेयात. काळींग हातांत घेवन ताचेर हळूच टॅप करात. तें काळींग गोड आसल्यार धडधड-थंफ आवाज येतलो. काळीं गोड नासल्यार तातूंतल्यान कसलोच आवाज येवचो ना.
३. काळींग विकतें घेवचे पयलीं ताचो आकार तपासात- बाजारांत काळींत विकतें घेतना ताचो आकार तपासप खूब गरजेचें. काळींग सादारणपणान तांतयाच्या आकाराचें आसल्यार तें गोड आसता. ताका लागून वाटकुळें काळींग घेवचे परस तांतयाच्या आकाराचें काळींग घेवचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
