भांगरभूंय | प्रतिनिधी
पर्वरी, बातमीदार: गोंय पर्यटन विभागान आयटीबी बर्लीन २०२४त आंतरराष्ट्रीय पांवड्यार नांव जोडलां. संवसारीक पर्यटन माळावेलो म्हत्वाचो भोवमान गोंय पर्यटनान मेळयला. आयटीबी बर्लीन नामनेचो पॅसिफीक एरिया ट्रॅव्हल रायटर्स असोसिएशन म्हळ्यार पटवा (PATWA) ट्रॅव्हल अवॉर्ड समारंभांत गोंय पर्यटनाक डेस्टिनेशन ऑफ द इयर पुरस्कार भेटयलो.
तशेंच गोंयचे पर्यटन मंत्री रोहन अ. खंवटे हांकां पटवा (PATWA) ट्रॅव्हल अवॉर्ड्सांत टुरिझम मिनीस्टर ऑफ द इयर पुरस्कारान भोवमानीत केले. हो पुरस्कार गोंयचें शाश्वत पर्यटन चालीक लावपा खातीर मंत्री खंवटे हांचे नेतृत्व आनी समर्पण भावनेक तशेंच गोंयचे समाजीक- अर्थीक उदरगतींत तांच्या म्हत्वाच्या योगदाना खातीर भेटयला.
बर्लिन, जर्मनींत एके कार्यावळींत गोंयचे पर्यटन सचीव संजीव आहुजा हांणी हे दोनूय पुरस्कार स्विकारले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
