भांगरभूंय | प्रतिनिधी
नवी दिल्ली, खबरां संस्था ः भारताचेर कोणेय वायट नदर मारली जाल्यार भारतीय सैन्य सुसज्ज, सक्षम आनी योग्य जाप दिवपाक तयार आसा अशें संरक्षण मंत्री राजनाथ सिंह हांणी बिरेस्तारा (7 मार्च) सांगलें. उदेंत लडाखांतल्या चीना कडेन सुमार चार वर्सां शिमेचेर झगडिल्ल्या आनी हिंदु म्हासागरांत चीनी लश्करी प्रवेश विशीं हुस्को आशिल्ल्या फाटभुंयेर तांणी हें विधान केलें. एका संरक्षण परिशदेंत ते उलयताले.
भारताची संरक्षण वेवस्था पयलीं परस चड घट आसा कारण नरेंद्र मोदी हांच्या फुडारपणा खाला सरकार भारतीयपणाच्या भावनांनी ती घटमूट करपाचेर लक्ष केंद्रीत करता अशें सिंह हांणी सध्याच्या आनी आदल्या सरकारां मदलो मुखेल फरक ह्या दिश्टीकोणांतल्यान सांगलें. सध्याच्या सरकाराचो भारतांतल्या लोकांच्या क्षमतायचेर खर विस्वास आसा, जाल्यार पयलीं सत्तेर आशिल्ले लोक तांच्या क्षमताये संबंदी कांय प्रमाणांत दुबावीत आशिल्ले. आयज केंद्रातल्या बळिश्ट फुडारपणाक सैन्यांत बळिश्ट इत्साशक्त आसा. सैनिकांचें सहनशक्त वाडोवपाचे दिकेन आमी सतत वावुरतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
