भांगरभूंय | प्रतिनिधी
गिमाच्या दिसांनी गाडयेन भोंवप मात्शें कठीण. खर सुर्याक लागून गाडयेचें तापमान खूब चड जाता आनी तें सोंसपा सारकें नासता. ही समस्या पयस करपा खातीर जायते जाण गाडयेचो एसी वापरतात, पूण एसी चलयल्यार गाडयेचे उर्जेचेर चेंपण येता. गडयेचो एसी चललो जाल्यार चड पेट्रोल आनी डिझेल वापरप जाता. हाका लागून प्रदुशणूय वाडटा. जाल्यार, आयज आमी तुमकां मिनी सोलर एसी विशीं सांगतले, जाका लागून तुमकां थंड हवा मेळटली.
एक नवी मिनी सोलर एसी बाजारांत आयल्या, जी गाडी थंड दवरपाचेर एक बरो उपाय जावन आसा. हाका लागून तुमची गाडी थंड जाताच आनी तें पर्यावरणाकय माल पडना. हो सौर उर्जेचेर चलपी मिनी एसी आसा. हो एसी कसो काम करता आनी हाका कितलो खर्च येता हाचे विशीं आमी तुमकां आयज सांगतले.
हो एसी ल्हान सौर पॅनल आनी फॅना पसून तयार जाला. सौर पॅनलांतल्यान सुर्याच्या किर्णांतल्यान वीज तयार जाता आनी हो एसी चलता. हे एसी भितर आशिल्ले फॅन चलिल्ल्यान ते थंड हवेक ओडून घेतात. ही एसी गाडयेच्या आरशांचेर लावंक मेळटा. ताच्या सोलर पॅनलाचो एक भाग गाडये भायर उरतलो, जाल्यार कुलराचो एक भाग गाडये भितर उरतलो.
मिनी सोलर एसीचे फायदे
पर्यावरणाक अनुकूल: हो एसी पेट्रोल वा डिझेल वीज वापरना, ताका लागून प्रदुशण जायना.
फायदे: हो एसी वीजेचेर चलना, देखून गाडयेची बॅटरी सोंपची ना आनी उर्जा वाचतली.
पोर्टेबल: हो एसी खूब ल्हान आनी हलको आशिल्ल्यान खंयचेय सुवातेर सहजपणान व्हरूंक मेळटा.
इन्स्टॉलेशन: ही एसी इन्स्टॉल करप खूब सोंपें. गाडयेच्या आरशाचेर तो लावंक मेळटा.
तुमी तुमची गाडी थंड दवरपाचो नवो मार्ग सोदतात जाल्यार मिनी सोलर एसी हो एक बरो पर्याय जावंक शकता. ही मिनी सोलर एसी ई-कॉमर्स प्लॅटफॉर्म अमेझॉनाचेर ४,४१५ रुपयांक मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
