भांगरभूंय | प्रतिनिधी
नवी दिल्ली, खबरां संस्था: दिल्ली उच्च न्यायालयान घटस्फोटाचे एके याचिकेचेर सुनावणी करतना म्हणलां, घोवान जर आपले बायले कडल्यान घरांतलीं कामां करपाची अपेक्षा दवरली जाल्यार तीं क्रुरपणां न्हय. तशेंच खंयचेय बायलेक घरांतलीं कामां करपाक सांगल्यार तिका वावराडे वरीं वागयता असो ताचो अर्थ जायना. जायते फावट घोव घरांतल्यो अर्थीक जापसालदारक्यो सांबाळटा जाल्यार बायल घराची. घटस्फोटाची मागणी करपी एके याचिकेचेर सुनावणी करतना न्यायमुर्ती सुरेश कुमार कैत आनी न्यायमुर्ती नीना बंसल हांच्या खंडपीठाने हें मत उक्तायलें.
घरांतल्या कामांक क्रुरताय म्हणीत एके बायलेन तिच्या घोवा कडेन घटस्फोटाची मागणी केल्ली. मात कुटुंबीक न्यायालयान ही याचिका भायर मारली. उपरांत बायलेची घोवा वांगडाची वागणूक चुकीची अशें म्हणीत उच्च न्यायालयान घोवाचे मागणेचेर घटस्फोट मंजूर केला. ह्या जोडप्याचें २००७ वर्सा लग्न जाल्लें. ह्या जोडप्याक १७ वर्सां पिरायेचो चलो आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
