भांगरभूंय | प्रतिनिधी
आरबीआयचीं नवीं मार्गदर्शक तत्वां
नवी दिल्ली, खबरां संस्था ः आतां क्रेडीट कार्ड मेळयतना तुमकां तुमच्या आवडी प्रमाण कार्ड नेटवर्क वेंचपाची सुविधा मेळटली. क्रेडीट कार्ड नेटवर्क आनी कार्ड जारी करपी बँको आनी एनबीएफसी खातीर आरबीआयन नवे मार्गदर्शक तत्व जारी केल्यात. हाचे प्रमाण आतां कार्ड जारी करप्यांक आपल्या गिरायकांक क्रेडीट कार्ड जारी करतना एका परस चड कार्ड नेटवर्कांतल्यान निवड करपाचो पर्याय दिवचो पडटलो. बँकांनी गिरायकाक खंयचें नेटवर्क क्रेडीट कार्ड जाय अशें विचारचें पडटले.
पोरण्या क्रेडीट कार्ड वापरप्यांक कार्डाचें नूतनीकरण करतना कार्ड नेटवर्क बदलपाचो पर्याय मेळटलो. दर एका क्रेडीट कार्डाची वैधताय आसता, जी एक, दोन, तीन वर्सां वा चड आसूं येता. कार्डाची मुजत सोंपलें उपरांत तुमकां नेटवर्क बदलपाक मेळटलें.
नव्या मार्गदर्शक तत्वां प्रमाण ज्या संस्थांचें कार्ड 10 लाख रुपया वा ताचे परस उणें आसा तांकां हे नेम लागू जावचे नात. ते भायर कार्ड जारीकर्ते जे स्वताच्या अधिकृत कार्ड नेटवर्काचेर क्रेडीट कार्ड जारी करतात तांका वगळ्यात. हे लक्षांत दवरात की हे नेम अधिसुचोवणी दिल्ल्या तारखे सावन 6 म्हयने प्रभावी उरतले. सध्या देशांत 8 कोटी परस चड क्रेडीट कार्ड वापरपी आसात. 2024 वर्साचे सुरवेक क्रेडीट कार्ड वापरप्यांचो आंकडो 10 कोटी हुंपतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
