भांगरभूंय | प्रतिनिधी
नवी दिल्ली, खबरां संस्था ः ग्लोबल रेटिंग एजन्सी CRISIL हांणी उदरगतशील भारताचें नवें चित्र सादर केलां. फुडल्या अर्थीक वर्सा भारताचो जीडीपी 6.8% आसतलो असो अदमास हे संस्थेन उक्तायला. अशे तरेन ती संवसारांतली सगळ्यांत नेटान वाडपी अर्थवेवस्था थारतली. फुडल्या सात अर्थीक वर्सांत (2025 ते 2031) अर्थवेवस्थेंत 6.7 टक्क्यांनी वाड जातली अशी अपेक्षा तांणी उक्तायल्या. ह्या काळांत ती 5 ट्रिलियन डॉलरा वयल्यान 7 ट्रिलियन डॉलरांच्या लागीं पावतली. ह्या विस्ताराक लागून भारत सगल्या देशांक फाटी घालून संवसारांतली तिसरी व्हड अर्थवेवस्था जातली. आमचे फुडें फक्त अमेरिका आनी चीन आसतले.
क्रिसिलाच्या इंडिया आउटलुक अहवाला प्रमाण, 2031 वर्सा भारत उण्या मध्यम उत्पन्नाच्या देशांतल्यान उच्च मध्यम उत्पन्न आशिल्ल्या देशांच्या क्लबांत वतलो आनी दरडोई उत्पन्न 3,32,000 ते 9,96,000 रुपयांच्या मदीं वाडटलें. भारतांतले कोट्यानी लोक गरिबींतल्यान वयर सरतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
