भांगरभूंय | प्रतिनिधी
-उच्च न्यायालयाच्या आदेशा प्रमाण म्हापशें पालिकेची कारवाय
म्हापशेंः उच्च न्यायालयाच्या आदेशा प्रमाण म्हापशें पालिकेन खडपावाडो-कुचेलींतल्या बेकायदो घरांच्या बांदकामां सील केल्यात.
सदर बांदकामां आड गोंय खंडपिठांत याचिका दाखल जाल्ली. म्हापशें शार चलता क्रमांक 12-अ आनी पीटीसीड क्रमांक 5 हे जमनींत ही बेकायदो बांदकामां सुरू अाशिल्लीं. सुनावणे वेळार 7 मार्च मेरेन जागेची पळोवणी करून बांदकामां सील करपाचे निर्देश खंडपिठान म्हापशें नगरपालिका आनी उत्तर गोंय नियोजन आनी विकास प्राधिकरणाक (एनजीपीडीए) दिल्लें.
ते प्रमाण पालिका मुख्याधिकारी चंद्रकांत शेटकार हांणी मंगळारा 5 वेर सदर बांदकामांक काम बंदची नोटीस धाडिल्ली.
ते उपरांत बुधवारा 6 वेर बांदकामां सील करपाचो आदेश जारी केलो. ह्या आदेशाची कार्यवाही पालिका अधिकाऱ्यांनी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
