भांगरभूंय | प्रतिनिधी
लग्न हो जिणेंतलो सगळ्यांत व्हडलो आनी म्हत्वाचो निर्णय. तो चलो आसूं वा चली, लग्न जावचे पयलीं कांय निर्णय घेवप दोगांय खातीर आव्हानात्मक आसता. जर कोणाचेर कांय काळा खातीर ताचे कडेन आकर्शीत जाल्यार चुकून लेगीत ताचे कडेन लग्न जावपाचो निर्णय घेवचो न्हय. तुमी जर तुमी मोग करपी व्यक्ती कडेन लग्न जावपाचो विचार करतात जाल्यार ह्या कांय गजालींची जतनाय घेवपाची गरज आसा.
कांय वेळ वांगडा आसप आनी पुराय जिवीत त्या मनशा वांगडा सारप हातूंत बरोच फरक आसा. जर तुमी थोडोच काळ कोणाय वांगडा रावल्यां आनी लग्न करपाचो निर्णय घेतला जाल्यार हो तुमचे जिणेंतलो सगळ्यांत वायट निर्णय आसपाक शकता. सगळ्यांत पयलीं तुमच्या जोडीदारा मदल्यो कांय गजाली तपासात. जर तुमचो जोडीदाराक सकयल नमूद केल्ल्यो संवयो आसात जाल्यार बेगीनूच तांचे पसून पयस रावप बरें.
१. बनावट भावना आसप
जर तुमच्या जोडीदारा कडेन तुमचे परस चड पयशे आसा, जाल्यार ताका तुमचे विशीं बनावट भावना आसतलींच अशें ना. कांय लोकांक सुरवातेक सावनूच बनावट वागपाची संवय आसता. ते भायर एक, भितर एक वागतात. असल्या लोकांक तुमी वळखुपाक जाय. असले लोक आपले प्रतिश्ठे खातीर तुमकां केन्नाय एकटें सांडून वचपाक शकता. जर तुमच्या पार्टनराक नकली वागपाची संवय आसा जाल्यार पयलींच विचार करचो, तुमी असल्या व्यक्ती वांगडा तुमची पुराय जीण घालोवपाक शकतात काय ना तें.
२. फटींग उलोवपाची संवय
फटींग उलोवपाची संवय कोणाकूच आवडना. जर तुमचो पार्टनर फटींग उलयता वा तुमकां कांय गजाली सांगपाक आडखळटा जाल्यार तुमी शिटूक रावचें. कारण फुडाराक तुमी असले व्यक्तीचेर केन्नाच विश्वास दवरपाक शकनात. अशे तरेन तुमचे नातें दुबळें जायत वतलें आनी एक दीस वेगळें जावपाचीय शक्यताय आसता.
३. फकत स्वताचोच विचार करप आनी उलोवप
कांय लोकां फकत स्वता विशीं उलोवपाची संवय आसता. ते खंयचेय गजालींत आपलो दिश्टीकोन सांगतात. अशी व्यक्ती तुमकां केन्नाच साथ दिवची ना. ती सदांच स्वताचीच तोखणाय करतात. अशे व्यक्ती पसून जितले पयस रावतले तितलें बरें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
