भांगरभूंय | प्रतिनिधी
मडगांव, प्रतिनिधी ः कोलवा दर्यावेळेर खेळटा आसतना एकलो बेशुद्ध पडलो. उपरांत ताका उपचारा खातीर हॉस्पिटलांत दाखल केलो पूण थंय ताका मरण आयिल्ल्याचें जाहीर केलें. हें प्रकरण कोलवा पुलिसांनी सैमिक मरण म्हणून नोंद केला.
मेळिल्ले म्हायती प्रमाण, अस्तंत बंगालचो हहीकूर एसके (21) हो तरणाटो आयतारा खेळटना घुंवळ येवन पडलो. उपरांत तांका रोखडोच दक्षीण गोंय जिल्हो हॉस्पिटलांत दाखल केलो. वैजकी अधिकाऱ्यांनी तपासले उपरांत हहीकूर हाका मरण आयिल्ल्याचें जाहीर केलें.
कोलवा पुलिसांनी केल्ल्या चवकशेंत कसल्याच प्रकारच्या घातपाताची शक्यताय सांपडूंक ना. कुड पोस्टमार्टमा खातीर दक्षीण गोंय जिल्हो हॉस्पिटलांत दवरल्या. वैजकी अहवाला उपरांत मरण येवपाचें खरें कारण स्पश्ट जातलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
