भांगरभूंय | प्रतिनिधी
आग्रा, खबरां संस्था ः घोव-बायल हांचे मदीं वाद जावपाचीं जायतीं प्रकरणां आमी आयकल्यांत. पूण उत्तर प्रदेशांत हें एक विचित्र प्रकरण घडल्याचे मुखार आयलां. आग्रांत साडीक लागून घोव-बायलेचे नाते घटस्फोटा मेरेन पावलां. साडये वयल्यान दोगांय मदीं खूब वाद जालो. हाचे उपरांत एक परिस्थिती निर्माण जाली की बायल रागान घोवाचें घर सोडून आपल्या आवयच्या घरा रावपाक गेली.
मेळिल्ले म्हायती प्रमाण, आग्रा जिल्ह्यांतल्या चलयेचें लग्न आठ म्हयन्यां आदीं हाथरस जिल्ह्यांतल्या तरणाट्या कडेन जाल्लें. हिंदू चालीरितीप्रमाण ह्या दोगांयचें लग्न व्हड उमेदीन जालें. पूण, घोव साडये विशीं आपल्या बायले कडेन खूबदां वाद घालतालो. देखून हें प्रकरण कुटुंब समुपदेशन केंद्रांत पावलें उपरांत घोवाचो बायलेचेर खूब मोग आसा. बायलेन आपले आवडीची साडी घालची अशें ताका दिसतालें. कारण बायलेन घाल्ली आपली आवडटी साडी पळोवन ताका खोशी जाताली अशें घोवान सांगलें.
हाचेर ताचे बायलेन सांगलें की जायते फावटीं घोवाच्या आवडीची साडी ती घालताली. पूण, जेन्ना ती आपलें आवडीची साडी घालताली तेन्ना तिच्या घोवाक राग येतालो आनी तो वाद घालतालो. साडीक लागून दोगांय मदीं इतलो वाद जावपाक लागलो की बायल घोवाले घर सोडून फाटले दोन म्हयने सावन आपल्या आवय- बापायच्या घरा रावताली.
हाचे उपरांत बायलेन ह्या सगळ्या प्रकरणांत आपल्या घोवा आड पुलिशेंत कागाळ केली. आतां पुलिसांनी पुराय प्रकरणाचें वर्गीकरण कुटुंब समुपदेशन केंद्रांत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
