भांगरभूंय | प्रतिनिधी
प्रेमेंद्र शेटः मयें मतदारसंघांत उदरगतीचीं कामां सुरू
भांगरभूंय । प्रतिनिधी
दिवचलः मयें मतदारसंघांतल्या दरेका गांवाची उदरगत करतले. दरेका गांवांत विवीध येवजण्यो चालीक लायतात, ताका लोकांनी आदार करचो, असो उलो मयेंचे आमदार प्रेमेंद्र शेट हांणी मारलो.
आमदार शेट हांचे हस्तुकीं मयें मतदारसंघांत विवीध उदरगतीच्या कामांची सुरवात जाली. ह्या कामांनी केळबायवाड्यार फुटबॉल मैदानाची दुरुस्ती, कामेरे चोडणां खेळां मैदानाची दुरुस्ती, मयां पेव्हर्स बसोवपाच्या आनी हेर कामांचो आस्पाव आसा.
ह्या वेळार जिल्हो पंचायत वांगडी शंकर चोडणकार, सरपंच विद्यामंद कारबोटकार, दयानंद कारबोटकार, सुफला चोपडेंकार, वासुदेव गांवकार, जयकृष्ण तिळवे, प्रदीप वेळीप, परिक्षीत नायक, तन्वी कवठणकार, कृष्णा चोडणकार आनी हेर मानेस्त हाजीर आशिल्ले.
उदरगतीच्या वावराक चालना दिवचे खातीर आमदार सरकाराच्या आदारान सक्रीय वावर करता. ते लोकांक जाय आशिल्ली उदरगत करतात, अशें शंकर चोडणकार हांणी सांगलें. ह्या वेळार क्रिकेट सर्तीचें उक्तावण केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
