भांगरभूंय | प्रतिनिधी
ढाका, खबरां संस्था: बांगलादेशची राजधानी ढाका हांगा बिरेस्तारां रातचो एके सात माळयेचे इमारतीक उजो लागून ४४ जाणांक मरण आयलें. तशेंच खुबशे जाण जखमी जाल्यात. बांगलादेशचे भलायकी मंत्री सामंतलाल सेन हांणी ढाका मेडिकल कॉलेज हॉस्पिटलाचो दौरो केलो. ह्या वेळार तांणी ही म्हायती दिली. हॉस्पिटलांत ४० जखमींचेर उपचार सुरु आशिल्ल्याचीय म्हायती तांणी दिली.
उजो पालोवप दळाचे अधिकारी मोहम्मद शिहाब हांणी सांगलें, हांगा बेली रोड भागांत बिर्याणीचें एक फामाद रेस्टोरंट आसा. रातच्या सुमार ९.५० वरांचेर उजो लागलो. पळयतां पळयतां हो उजो पुराय इमारतींत पातळ्ळो. दोन वरां यत्न करून जवानांनी हो उजो पालयलो. रेस्टोरंटांत बशिल्ल्या ७५ लोकांक आमी भायर काडले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
